7 stretches in 7 minutes

Дали знаевте дека болката во грбот е број 1 причина за посета на доктор?

За многумина болката во грбот е составен дел од животот. Без разлика дали болката се појавува на крајот од работниот ден, после тренинг или после игра со децата, луѓето ја прифаќаат болката како како нормална појава, можеби препишувајќи ја и како дел од процесот на стареење. Околу 80% од возрасните страдаат од болка во грбот во некој период од животот. Во основа, може да се јави кај било која возрасна група, но најчесто се јавува кај луѓето помеѓу 35 и 55 години. Според медицинските лица, болката во грбот е поврзана со начинот на кој нашите коски, мускули и лигаменти во грбот фунцкионираат заедно.

Ние наидовме на седум истегнувања кои навистина ни се допаднаа, и проверено ја олеснуваат болката во грбот, а може да се направат за 7 минути. Ви ги пренесуваме и вам, па, нека ви прејдат во навика. Ќе се чувствувате многу подобро.

1. Истегнување колено до гради
Легнете на грбот и целосно истегнете ги нозете. Свиткајте го десното колено и ставете ги рацете на потколеницата. Нежно влечете го коленото до градите и останете во таа позиција 30 секунди. Полека вратете ја десната нога на подот. Повторете го истото со левата нога.

2. Истегнување на колковите
Вкочанетите колкови често се причина за болка во грбот. Ова истегнување се однесува на еластичноста на колковите. Направете еден чекот нанапред со вашето десно стапало, а левото колено свиткајте го кон подот, во позиција на расчекор. Левата нога треба да ви биде убаво извлечена колку што можете поназад. Останете во таа позиција 30 секунди и вратете се во почетниот став. Повторете го истото на другата страна и останете во таа позиција 30 секунди.

3. Истегнување во форма на бројот 4
Легнете на подот во првобитната позиција. Свиткајте го десното колено, задржувајќи го десното стапало хоризонтално со подот. Свиткајте го левото колено и истегнете го глуждот преку десното, со тоа што левото колено ќе падне на страна. Останете во ова позиција 30 секунди, па сменете ги страните.

4. Истегнување на тетивите
Додека се уште лежите на грб, свиткајте го десното колено и згазнете со десното стапало на подот. Ставете ги рацете одзади на ногата, малку надколеното. Подигнете ја левата нога највисоко што можете. Задржете 30 секунди. Спуштете ја левата нога и сменете ја страната.

5. Лежечко извртување
Ова е одлично истегнување за интензивна болка во долниот дел од грбот. Легнете на грб со двете нозе свиткани во колената, а стапалата прилепени за подот. Прекрстете ја десната нога над левата и двете нозе заедно спуштете ги на левата страна. Со главата завртете се на десно. Полека вратете ги нозете во првобитната позиција и повторете го истегнувањето на другата страна.

6. Наведнување нанапред
И ова истегнување ќе ви помогне да се ослободите од притисокот во грбот. Ставете пред вас стол во висина на вашите колкови и ставете ги рацете на него. Пополека наведнете се, главата нека ви падне помеѓу рацете, а грбот нека се свитка надолу. Останете во оваа позиција цела една минута.

7. Мост
Доколку не се правилно истегнати, мускулите во нозете можат да иницираат болка во грбот. Свиткајте го коленото при што двете колена да се допираат. Посегнете наназад со левата рака и обидете се да го доватите левиот глужд, полека кревајќи го телото наназад за да направите мост. По 30 секунди променете ги страните и повторете го истегнувањето.

Извор: www.fhfn.org